急需消滅”假富人”

股價低殘，前路未明。未來走向兩極化。

如果４０年印銀紙的制度出現問題，印得唔順，拖累經濟運作，甚至倒退，會點？１９２９後出現過，９０％公司破產收場，股票跌左９ｘ％，乜都死。

全球化之禍：
現在的問題，跟以前差不多，不同的是連印銀紙及財政刺激都出埋，資源制約。全球化將富人的工作都調到發展中國家，讓富有國家不用工作，發展中國家又可以富起來消費。富人國家失去競爭力，享受全球化帶來”唔駛do"既優厚生活，又拒絶面對全球化帶來人民”冇得do”的問題，坐食山崩。冇野做，就減息俾ｄ人做ｄ低價值既野，連低價值既野都冇，就政府貼錢使冇價值做既野都可以有得做。用窮人的錢，去消費窮人的生產。

可惜，冇ｄ國家走在富與窮之間，成為全球化的漏洞。唔夠富有去消費，唔夠窮去做野。基於信任的金融市場，只要沒有人指出問題就可以繼續玩，但有人叫救命，成了國王新衣的小孩，指出信任遊戲的漏洞。金融市場是很單純的群體，鍾意呃呃哄哄，喜歡幻想，不看鬼故，更害怕沉悶。現在最大問題係成件事放左上枱面傾，好難落台。本身呃呃哄哄的市場及人民，都知道問題，令很多招數難以駛出，才是重點。

二元化結局：
我預計事情的發展，只有兩種。係一解決倒，一係解決唔倒。我都明這樣說有ｄ廢，但都係要闡明一下。

１解決問題
既然只係有小撮人有問題，大可以用錢解決。然而，依家人人都關注事件，難以簡單用錢解決，人民一定唔肯。方法一，聲東擊西，先引開人們注意，再出極度複雜的結構去混淆視聽，將唔夠富有，又唔夠窮的人消滅。那些人，一係要變富人，一係要變窮人。

歐盟分裂，分為富國及窮國，富國借錢，換來窮國的出口。富人唔駛做，窮人有野做，大家happy。當然，假富人習享享受，一定唔肯，怎樣安撫民心，才是這方法的重點。那些地區失業率咁高，打擊窮國富人，支持窮國窮人，可能係一個出路！民心才是改革的重點呢！唔係幾個Banker及政治家傾掂就掂！不能太天真太傻了！否則政府被包圍，政權都未必保得住！如果還是圍繞富家幫假富國，還是假富國直接變窮，是解決不了的。很多人跟很多人在對立呢！

２解決唔倒問題
因為各國還未諗通，所以還是依舊用舊方法。貨幣及財政刺激已經越來越唔work，工作的價值已經越來越負，債務越來越多，債務及刺激，所帶出的回報／風險，已經越來越低了。醜婦終須見家翁。最大問題，唔係攪掂投資者就得，仲要好多憤怒的人民。國與國的利益對立，資訊發達，人民教用水平高，仲要咁高調，很難呃。

如果諗唔倒方法解決”假富人”的問題，或者金融市場等唔倒，就自然會經濟出現問題。唔爆住，也是爆的一種，不爆不爆還須爆。刺激經濟只能拖延一時，但”假富人”的問題已經很突出。現在還有”假窮人”，就是很多野Do的人，現在要消費。何來那麼多貨給那些人消費呢？

解決唔倒，問題會很大，因為信心制度被破壞後，很難找到一個大家都認同的合作方式。亂世中，冇人話事，自然群雄崛起，國際的衝突會增加，保護主義抬頭。大unwind, 結果是大通縮，假錢被輸了，富人窮了，窮人冇野do了。物流，現金流變差，經濟活動慢了。中國很大問題，因為窮人很多，發展只造成了少數極有錢人，而不是一大班中產。危險啊！

最有錢的人，還是很有錢，投資組合蝕了８０％，還是很有錢。他們是金融市場的主要玩家及統治者，但不是經濟活動的參與者。窮人輸了多少，也影響不到金融市場，但他們生活不了，則經濟活動癱瘓，冇野做，唔開心，就會抗議。管唔住，會好亂。要搵人發洩，統治者錢事小，人身安全才是問題。尤其在發展中國家呢～

投資者：
我們正進入新時代的轉捩點，真的要有一個開放的心態去面對事情。既要保守，又要有創意。了解市場（幻想），了解現實，又要了解自己。不簡單啊！

我也不知道二元化發展的結果。突然一日，要不有具創意的新方案產生，要不突然出現小孩指出問題所在，這將一發不可收拾。

事情不好，難有開心事。開心的是，市場不死，有危必有機～投資者的對手是大眾，而不是事情。處理的是幻想，而不是現實。在悲觀時堅持信心，安慰市場。在狂熱時潑冷水，提出問題。這是投資者的偉大使命呢～與投資者共勉～