20150807 股市陰陽怪氣, 動能破位

近期股市陰陽怪氣, 無他的, 因為真的有很大的矛盾. 08至今全球托市, 其實都在人為救經濟, 所以很多傳統的分析都被扭曲到沒什麼用. 當然, 對市場來說, 政府也是其中一個player, 市場自有市場的意志, 繼續發揮其功能. 然而分化的觀點, 自然難有單邊行程.

作為局外人, 其實真係唔知結果會點. 甚至局內人也未必知, 所以才有不肯定的情況. 知人至智, 自智者明. 知道唔知, 或許也是一算認知吧.

最近我留意到恆指國指其實在動能上, 其實跌破左一個以年計的上升支持. 上一次是2008年初發生的. 其實動能跌破, 也不是說會金融危險, 只是上升動能被破壞, 就可能是橫行波動或轉勢的可能. 也不是說破左唔可以上返去, 一切都要時間才知道, 邊走邊看.

但暫時看基本面及技術面, 之前的中國夢大牛市, 現在難再提了. 趨勢線向下壓有待解除, 之後有一波反彈, 這個反彈之後下來, 看來才是關鍵, 時間上看, 會是十月左右. 8月低9月高,10月問號.

這種市, 屬高難度市況, 散戶入市如過山車, 食定驚風散先得.

P.s. 動能指標有很多, 我用是簡單的detrend, 其他方法效果應該不會差很遠, 歡迎交流"

年輕人局賭買樓

近年實在太多關於年輕人要買樓既資訊, 年輕人一定要有樓, 結婚一定要有樓, 搵男友一定要有樓, 要問屋企人借錢上車, 財仔叫老豆老母加按幫仔女上車, 成功須父幹etc etc.

https://www.youtube.com/watch?v=r0BiS1T23qA
http://www.on.cc/hk/bkn/cnt/finance/20150513/bkn-20150513172139349-0513_00842_001.html?refer=hn2

每次睇倒依D資訊, 我都覺得係咪要諗清楚少少呢? D傳媒點解要不停咁渲染? 政府做乜要幫人上車? 上車去邊?

以前讀書時, 前輩都教路, 男仔要趟, 不要輕易打算買樓及結婚, 做了這兩樣, 人生就定死了, 最好都係有趟一番事業先.  一個年輕人, 讀咁多書, 咁有氣有力, 有既就係青春, 機會, 時間, 健康, 冇既就係錢. Human capital 換 financial capital, 這個過程, 怎樣做得聰明, 決定左之後這個人有沒有錢, 過怎樣的生活.

1  Human capital 換 financial capital
最初沒有錢, 只能以時間換錢, 量入為出, 累績本金

2 提高Human Capital
令自己增值, 不斷學習, 加人工, 或者做多Djob賺錢, 總之盡量不要停滯下來.

3 有資本, 就要投資, 錢搵錢
一係攪生意, 一係炒賣. 前者以小搏大, 高風險, 後者較簡單, 風険分散.

理財有三大問題
1 唔儲錢, 係咁駛錢.
以為收入-支出=儲蓄, 而不知道收入-儲蓄=支出.

2 停止諗計上進.
最怕入錯行, 跟錯大佬. 做野求安全, 冇諗前路, 入錯行, 跟錯老闆, 甚至被屈機都敢怒不敢言. 怨最多都係做一個"好慘"既人, 但出路還是自己要找.

3 唔識錢搵錢.
冇錢時不理財, 有錢時不善理財. 太睇少投資既重要性, 沒想過投資可以發達, 甚至對投資有厭惡感. 以為打工是長期性, 投資是短期性, 而不是打工是短期性, 投資才是長期性.

窮人出身, 要脫貧, 唔好駛錢溝女買面子, 唔好駛錢買玩具, 唔好用錢買朋友. 投資時間金錢在健康, 知識上. 要諗計, 搵出路, 冇出路就學錢搵錢, 冇錢時要學, 以至有錢時增加羸面. 總之要脫貧, 便要做脫貧的事, 不能跟大隊.

回歸正題, 咁為何要買樓? 要計一計數.

樓價同股票差不多, 都係盈利同PE. 盈利就是租金-成本. 依家D樓, 租金-成本可能只有1-2%回報. 樓這東西, 租金增長慢, 假設有10%增長一年, PE有成50-100倍, 交易成本仲要很高. 為何還要以高息去借錢買樓? 甚至問家人借錢去買樓?  我相信答案只有一個: 局賭. 這明顯是泡沫, 是國際利率人為地壓低, 加上香港係資金自由的投機福地, 再加上政府大莊, 商家, 大部份人都讚成樓升不跌的共業造成的. 泡沫不是罪, 只是周而復始, 最終還是會爆煲.

咁辛苦理財, 最後局賭, 鎖定未來20年的financial asset return超低, 或者賭佢唔會爆, 繼續升, 但中間升幅又被交易成本 包括政府D食左, 輸都要俾. 個莊咁狼, 真係要咁賭?

年輕人真係要諗清楚, 發達靠理性, 賭性也可以發達, 不過別人得自己未必得. 迫不得意, 還是不要賭運, 但如果理性真係唔得, 咁就冇計, 一買解千愁, 不怕賭入場時愁更愁就得.

投資唔係只有樓, 年經人局買樓, 這是一個很窄的思維呢.

領匯疲弱, 樓市警號

很多朋友最近都看好股市, 紛紛在談論買什麼.

我對升得急的股票, 通常都不會衝入去, 除非我本身好熟, 覺得正路. 股價大升, 可以引來追續股票的人, 更可以引來食糊或蟹的沽壓. 入得去, 預左要頂得順之後個沽壓, 否則高追回調, 很容易進退失據, 加上心理因素, 短炒變長渣. "上次是這樣, 今次又是這樣".

升市中, 除了買會升的股, 我有興趣的, 是找尋準備沽空的對象. 如果我全部資金看多, 始終風險較高. 無往不復, 升跌是循環的, 如果升市都表現平平的股票, 跌市則可能大散了.

最近我看到了領匯這股王, 在這升浪中, 竟然還能在50天線之下, 十分疲弱. 無他, 佢既沒有中國概念, 又對加息敏感. 同埋, 升市買領匯? 傻的嗎?

中國昨天說要減入口稅, 加上之上開放外遊限制, 香港零售沒有反水貨行動, 也面臨巨大的壓力. 這看似是結構性的問題, 香港在2015是"走頭無路之年". 沒有工業, 沒有零售. 要靠地產及金融, 但大家心知, 有幾多就業是地產金融提供呢?

講返領匯, 比較大的問題係對息口敏感, 從而可能產生投資者結構的改變. 如果領匯由增長股, 變成有經營壓力, 對息口敏感的話, 增長型投資者的離去, 可以造成領匯的估值大幅下調到, 便宜水平. 同樣的事情, 己在賭股中發生.

我一直視領匯為香港樓市的風向計, 或者說買領匯好過買樓, 因為流通量高, 交易成本低, 玩泡沫最重要是走得切. 年輕人借廿年錢, 加問家人再借, 去恐慌性撲進樓市, 成王敗寇, 其實真的比較賭得大. 最大問題年輕人不知自己在賭得咁大, 甚至不知在因為賭性而做"投資", 以為樓 =投資, 冇得輸, 而投資=不怕輸.  領匯則比較簡單, 基本上跟香港樓市都有著近似的基本因素. 我賭, 我寧願賭領匯. 現在領匯疲弱, 如果讀者還看好樓市, 或許現在是領匯好的進場點也說不定.

我認為領匯的走勢值得密切留意, 事關聰明資金對息口的消息十分靈通, 如果領匯出現大跌, 香港樓市成交蒸發, 出現熊市唔出奇. 這是很大膽的假說, 錯的機會很高, 讀者應自行分析~

我是個交易員

我是個交易員

交易的目的, 只有冒有限的風險去賺錢.

交易的理論, 手法, 工具, 目標, 市場, 一切一切, 都不重要, 只要合乎目的, 都能做, 都能用.

我不相信任何公司或市場的資料, 消息, 背景, 人物. 一切對我來說只是誘惑買賣的餌.

我只相信自己的判斷, 承擔自己的所做的結果.

我不重視我過去的成功與失敗, 那只是腦中的雜念.

我不重視我未來的成功與失敗, 那只是腦中的妄念.

成功是自然的, 失敗只是一種訊息的反饋.

我在需要行動的時候行動, 在需要靜止的時候靜止.

我不需要向任何人交代, 對錯己不再重要. 

我不需要跟任何指數或人物作比較, 各自有自己的軌跡與機緣.

我不會因交易員而自豪, 也不會因自己是交易員而自卑.

要做到的, 是做一個更出色的交易員, 享受這一純個人的旅程.

最後, 這還不過是遊戲, 樂在其中, 適可而止, 健康至上.

Ａ股化，我未適應倒

世上有幾種公司與估值無關, 但都係會升的
1 屈機的公司,
2 妖股

睇估值的人, 是永遠投資不了這兩種公司的, 最後就會投資了靠估值去定價的公司, 與其他睇估值的人去發揮"市場定價"的作用.

這些睇估值的公司, 好難變做"與估值無關"的公司

1 唔屈機既公司, 通常唔會變做屈機的公司
2 正路公司, 一般都唔會變妖股, 變左都唔會好妖.

估值類公司, 除了個別因素, 一般都係睇市場氣氛去升升跌跌, 最大因素就係突然全部一齊升或跌, 過一段時間後, 中國就公佈政策, 之後就升完或跌完. 估值類絶對是Insider與市場人仕既世界。最好知道對方手牌點打，自己才不至於做點心。睇消息是必死的，睇圖＋了解對手，才是上策, 如同poker或打麻雀.

仲有一類公司, 也是同估值無關, 但又唔會升的, 叫價值類公司. (跟第一類相反). 這類公司絶對有提升估值的理由, 但就是沒有提升估值的fans. 因為無人理, 所以無人理. 因為無人理, 估值可以低到離晒譜. 價值投資者就係執死雞, 但又發覺原來得自己懂得欣賞. 這類公司, 十年一兩潤. 風險不高, 跌到上下會彈一彈, 但可能悶到死左, 或者在下跌時坐唔穩, 就輸左. 夠心理質素, 現金唔等駛既人做價值派, 係穩陣既路, 同做收買佬差唔多, 暴發就唔會, 但做幾十年會發達唔出奇. 適合頭腦簡單, 比較單純天真, 較有耐性, 膽識一般既人. (相對第一二種)

我很傻很天真, 出身正路價值類, 在現今A股化的世道, 真係最弱的一群...最年賺錢, 反而是第二類的估值投機, 補貼第三類的"離譜", 都係得個吉. 我的血液有投機的基因, 因為我的第一投資偶像是Jesse Livermoore, 但還未夠薑去啟動這股熱情. 做左十幾年, 還是不停學習, 不停反思中. 資質問題, 將勤補拙.

世上有兩種邏輯:邏輯與中國邏輯。真係唔係講笑的。

講咁多, 我都係想抒情: A股化, 我仲未適應倒, "舔緊野".

越來越值錢的習慣

依家D樓咁貴, 有幾個習慣越來越值錢了~
1 執屋
識得執屋, 地方見駛好多, 細D都可以好好住
2 慳家
唔買咁多野, 自然少雜物, 又儲倒錢, 地方又見駛了~
3 行路
如果喜歡行路, 做下運動, 住唔近地鐵也OK,
4 善用時間
真係住得遠, 交通時間長, 懂得善用時間, 化整為零. 搭三個月車可能已經學好外語.
5 知足
這是思考習慣, 有樓也好, 冇樓也好, 住得大也好, 住得少也好, 生活也一樣無憂, 不被外物防礙. 開心既成本低, 少怨氣, 自然容易生存, 少D病痛, 財運都可能好D. 

樓雖然貴, 但最更貴的是健康與快樂. 我們太富足了, 什麼也有了, 就是沒有太多資產. 我們就是多出來的, 唔夠多. 點解樓咁貴, 就是人們多出來的, 越來越多. 那究竟我們是唔夠? 還是太多? 唔夠什麼? 太多什麼? 諗通就簡單很多了.

怎樣才是一條好的趨勢線

如果你相信股價走勢有趨勢, 而不是亂來random的, 你就是相信技術分析了.

趨勢是什麼? 就是一個time series入面, 即是股價, 今天的股價跟之前的股價有一定關係, 使我地透過研究過去的走勢, 可以幫助倒預期未來的股價, 有一定的概率偏向. 

通常, 去表示一個趨勢, 都會用上趨勢線, 而很多很多的指標都會建基於移動平均線之上, 例如Macd, bollinger band, Stochastic等., 又或者配合它來使用. 其他方法還有counting的, 例如, RSI, 又或者用上volatility, 例如ATR. 但很多時還要配合趨勢線使用. 之後, 很多交易策略就建基於這些指標去設計, 分不同的時序, 操作方法, 形成交易系統. 

重點是, garbage in garbage out. 如果沒有好的趨勢線, 之後可能要很多功夫才可以把事情做好. 趨勢線就是技術分析的基礎.

怎樣才是好的趨勢線? 我認為它有兩個條件

1 它能夠迅速反應主要走勢的變化. 

這是很容易的, MA1就是最快反應的了. 以前有一個很出名的交易系統, 叫RSI2, 就是極速反應而有效的. 不過後來太多人用而失效了. 

2 矛盾地, 它又不因次要走勢而變化

這就是矛盾了. 要快, 但又要能分辯倒那些走勢是不重要的.

很簡單, 就是兩個矛盾的條件. 術語上, 可以說它有很高的signal to noise ratio. 然而, 這又假設了股價是真signal係入面, 實際上又未必可以咁講. 不過可以這樣model, 那就可用上DSP的技術, 甚至用上rocket science都得. 

講咁多, 那有這樣的趨勢線嗎? 有的.

你如果想看看完美趨勢線是如何的, 你大可以用上polynomial fitting, 就可以弄出一條完美的趨勢線. 只是這趨勢線的每一點, 會因應新的股價, 而改變. 那就是說, 這是個"事後孔明"的趨勢線, 是完全沒有實戰價值, 但有研究的control 價值.

因此, 怎樣才可以做出接近完美的趨勢線, 是我最近的研究重點呢. 有人其實認為, 靠後來的策略或配合也可以取長補短, 我也是這樣認為的. 只是我對"做好" 有點執著, 如果整個分析至操作也可以"做好", 那就"更好"了~

填色研究

整整做左我四個月的研究, 終於做出自己滿意的東西.

目標就係把走勢填上顏色, 填得啱. 入面仲有D填錯, 唔完美, 但我已覺得收貨了. 會有辦法再攪攪佢的.

現在可以進入臨床實戰階段

Project Fractal

自十月起，我在不停研究技術分析，究竟我們可以對股價的走勢有什麼把把握，有什麼是沒有把握。

我的研究出發點，純粹出於我對市場的信念。也就是說，我也不知道這是否正確，這次研究正是要了解自己的信念是否正確。

信念
１股價是的各種變化是有趨勢的
２股價是有不同時序的

以上的信念，不是容易可以驗證的，因為它們本身已經是可以是Tautology. 有趨勢時就說有趨勢，冇趨勢就表示時序改變...咁唔得.　趨勢與時序的關係究竟是什麼？

我的研究暫時不是要研究出什麼必殺的交易系統，可以在市場上不停賺錢。這或許是這個研究的by product. 我認為技術分析需要認真去了解它的前設，趨勢與時序這兩大問題，否則任何建設在它們之上的系統，究竟為何有效？為何突然又無效？很難了解得到。用statistic去處理fractal的複雜系統，是沒有用的。

最終, 令真實的複雜性,變成理論的簡單性, 我心知有其限制, 但也要一試看過究竟.